O teu carro
Non hai máis artigos no teu carro
Chapas Feministas
Chapas feministas: chapas reivindicativas con mensaxes, símbolos e referentes do feminismo, entre o clásico e o contemporáneo. Para levalas postas ou facer ruído.
Se estás a buscar chapas feministas e non queres compralas en Amazon, senón apoiar un proxecto pequeno, independente e con criterio, si: esta é a túa páxina.
En Chapatízate deseñamos as nosas propias chapas feministas e tamén recuperamos imaxes e referentes que xa forman parte da cultura visual do feminismo. Aquí conviven chapas feministas clásicas con chapas feministas contemporáneas, símbolos recoñecibles con mensaxes directas, humor con rabia, memoria con presente.
Atoparás chapas reivindicativas que falan de liberdade, igualdade e xustiza social; chapas con frases feministas, chapas con referentes históricos e culturais, e deseños pensados para levar o feminismo na solapa sen pedir permiso. Das sufraxistas ata hoxe, o feminismo sempre tivo os seus símbolos, e as chapas foron un deles.
Interésanos non esquecer de onde vimos. Por iso aquí aparecen voces como Emma Goldman ou Angela Davis, ecos das Guerrilla Girls, guiños á música, á cultura pop e á historia do movemento feminista. Porque as chapas feministas non son un adorno: son unha forma pequena pero visible de tomar posición.
As chapas feministas foron, son e seguirán sendo un complemento de loita. E en Chapatízate, tenda en liña de chapas, seguiremos ampliando esta colección con novas propostas, novas alianzas e novas ganas de incomodar un pouco.
Ademais, moitas destas chapas funcionan tamén como agasallos feministas: para amigas, profes, compañeiras ou para ti mesma, que bastante tes.
E se cres que aquí falta algunha, se tes unha idea que debería existir ou se che apetece crear chapas feministas personalizadas, escríbenos. Lemos. E respondemos.