Olympe de Gouges escribiu o que outros nin se atrevían a pensar. Pagouno coa vida. Pero deixounos a súa voz. E esta chapa. ✊📜
Olympe de Gouges foi unha desas mulleres que fan historia... aínda que á historia lle custase recoñecelo. En plena Revolución Francesa, atrevéuse a escribir a Declaración dos Dereitos da Muller e da Cidadá, cando todos berraban liberdade, pero só para eles.
Por denunciar a hipocrisía, por esixir igualdade, por ter pluma afiada e pensamento libre, acabou na guillotina. O seu crime: pensar demasiado alto e demasiado libre.
Esta chapa non é só unha homenaxe, é un acto de memoria. Un xeito de dicir que Olympe segue viva en cada loita feminista, en cada palabra escrita con furia e razón. Porque, como ela mesma dixo: A muller ten o dereito de subir ao cadafalso; debe ter tamén o de subir á tribuna.
Lévaa como quen leva unha consigna gravada a lume. Porque non nos calamos. Nin daquela, nin agora.
