Memorias dun neno labrego

“Eu son Balbino. Un rapaz de aldea. Coma quen di un ninguén. E ademais, pobre”. E xa está. Con ese comezo, Memorias dun neno labrego entrou na cabeza de medio país e quedou alí facendo casa.

Esta chapa recupera a icónica portada vermella dunha das obras máis queridas da literatura galega. Un deseño recoñecible ao instante para varias xeracións que pasaron polo libro no instituto, na casa ou nunha biblioteca con cheiro a madeira e radiador antigo. Porque hai lecturas que forman parte da educación sentimental dun país. E esta é unha delas.

O formato de 44 mm dálle aire ao deseño e fai que a portada luzca como merece: directa, poderosa e cun punto de nostalxia desas que non fan ruído, pero apertan un pouco por dentro. Queda xenial en chaquetas, mochilas, tote bags ou estoxos cheos de subliñadores moribundos.

Perfecta para amantes da literatura galega, profesorado, xente de Filoloxía, lectoras compulsivas ou simplemente para quen aínda pensa en Balbino de vez en cando sen saber moi ben por que.

Hai clásicos que viven nas bibliotecas.

E outros que van prendidos cun imperdible.