Imán Leia pop

A princesa Leia xa tiña personalidade dabondo sen necesidade de retoques. Pero aquí somos moi partidarias de engadir detalles importantes: unhas “trenzas” con forma de sandía espacial, unha chapa de Spock porque as guerras absurdas entre fandoms nunca tiveron sentido e un pin republicano porque cada quen loita contra o Imperio como pode ✨

Este imán rectangular de 53x80 mm mestura ciencia ficción, cultura pop e espírito reivindicativo nun formato pequeno pero moi potente. O contraste entre a fotografía clásica en branco e negro e o fondo turquesa fai que destaque moitísimo en neveiras, armarios metálicos ou pizarras.

Forma parte tamén da colección de mini réplicas dos pósters pop que temos na tenda física. E precisamente esta Leia está colocada enriba da sección de chapas reivindicativas, así que xa leva tempo supervisando rebelións varias.

O formato vertical dálle ese aire de mini cartel vintage entre película imposible, póster alternativo e homenaxe friki feita con bastante retranca.

Perfecto para fans de Star Wars, da cultura pop mesturada sen complexos e das heroínas que nunca precisaron permiso para liderar unha revolución.