Mamá, quiero ser artista

“Mamá, quiero ser artista”. Hai frases que se din unha vez… e xa non se van. Esta é unha delas. Detrás está Concha Velasco, unha escena inesquecible e ese intre no que alguén se atreve a poñer en palabras o que leva tempo bulindo por dentro.

Esta chapa vai xusto diso: de dicilo. De querer crear, subir a un escenario, debuxar, escribir, cantar, ensinar ou inventar cousas. De querer ser artista, aínda que non saibas moi ben como nin por onde empezar.

O deseño ten ese aire retro e luminoso dos carteis de espectáculo, cheo de enerxía e promesa. É unha chapa para xente creativa, para profes con alma de actriz, para músicas, ilustradoras, artesás ou para quen simplemente se recoñece na frase.

Perfecta para mochilas e chaquetas, e tamén dispoñible en formato imán, para levala ao teu recuncho creativo, á neveira ou a ese sitio onde gardas as ideas.