Desde el río hasta el mar

Hai cousas ás que non queremos afacernos.

Non queremos afacernos a contar mortos. A ver cidades arrasadas. A familias expulsadas das súas casas. A nenos e nenas convertidos en cifras. A escoitar cada día unha atrocidade nova e que, pouco a pouco, deixe de parecernos nova.

E tampouco queremos quedar caladas.

Por iso fixemos esta chapa.

Dende o río ata o mar, Palestina vencerá.

Sen mensaxes agochadas. Sen medias tintas. Unha chapa de apoio ao pobo palestino, á súa liberdade e ao seu dereito a existir e vivir con dignidade na súa terra.

O deseño leva as cores de Palestina e a kufiya atravesándoo de lado a lado. Non como adorno, senón como parte dunha simboloxía que leva décadas falando de identidade, resistencia e pertenza.

E fixémola en galego, castelán e inglés.

Porque algunhas cousas pódense dicir de moitas maneiras, pero significan exactamente o mesmo:

Dende o río ata o mar, Palestina vencerá.

Desde el río hasta el mar, Palestina vencerá.

From the river to the sea, Palestine will be free.

Fronte ao horror, non queremos indiferenza.

Palestina libre. 🇵🇸