Bailaches Carolina

Hai cancións que non precisan presentación. Abonda con dicir o primeiro verso para que alguén continúe o resto.

Iso pasa coa da Carolina, unha desas cancións populares que levan décadas pasando de xeración en xeración entre festas, foliadas, excursións, seráns e comidas familiares.

Esta chapa recolle precisamente ese momento. A pregunta está servida: "Bailaches, Carolina?". E a resposta, resumindo, tamén: "Bailei con tododios". Un diálogo musical que forma parte da memoria colectiva de moita xente en Galicia.

Gústanos especialmente porque non fai falta explicala demasiado. Quen a coñece sorrí ao vela. E quen non a coñece probablemente acabe preguntando pola canción.

É unha chapa para persoas que cantan sen vergonza, para amantes da música tradicional galega, para nostálxicas das festas da aldea e para quen sabe que algunhas cancións nunca pasan de moda porque xa forman parte da casa.

Tamén dispoñible en imán.