Broche Lorca

Hai persoas que escriben libros. E despois está Federico García Lorca, que acabou converténdose el mesmo nunha maneira de entender a literatura.

Poeta, dramaturgo, músico, conferenciante, debuxante e conversador brillante, tiña esa rara capacidade de entusiasmar a quen o escoitaba. Por iso este broche non pretende representar unha figura solemne de manual escolar, senón un Lorca vivo, elegante e cheo de personalidade. O das risas, as tertulias, as viaxes e as ideas que aínda hoxe seguen facendo ruído.

O deseño parte dunha fotografía histórica e convértea nunha peza contemporánea, cun aire pop que parece lembrar que hai autores que nunca pasan de moda: simplemente atopan novas lectoras e novos lectores.

Pero este broche tamén ten outra lectura.

Porque a Federico García Lorca non o levou o paso do tempo. Asasinárono os fascistas ao comezo da Guerra Civil. E entre os motivos dese odio estaba tamén a súa condición de home homosexual, ademais de todo o que representaba: a liberdade creativa, o compromiso coa cultura e unha forma de vivir que algúns consideraban intolerable.

Non conseguiron calar a súa obra. Nin borrar o seu nome. Nin impedir que xeracións enteiras seguisen atopándose nos seus versos.

Así que si, este broche é para amantes da poesía, do teatro e da literatura. Pero tamén é unha pequena declaración de principios: hai persoas cuxa memoria merece seguir ocupando espazo. Nunha biblioteca, nunha conversa... ou nunha lapela.

Tamén dispoñible en imán ovalado.