Aparta do sol

Cando Alexandre Magno se achegou a Dióxenes para ofrecerlle o que quixese, o filósofo cínico respondeu: “Apártate do sol”. Esta chapa recolle un dos "zascas" máis lendarios da historia, en grego orixinal (ἀπὸ τοῦ ἡλίου μετάστηθι) e cun Dióxenes en versión meme que fala por si só.

Está dispoñible en varios tamaños e tamén en imán, ideal para quen goza das anécdotas da cultura clásica e dos mellores chistes filosóficos. Un xeito irreverente e xenial de dicirlle ao mundo que non te molesten… a non ser que poidan mover o sol.