Doutor en Alaska

Antes das plataformas, antes das maratóns de series e antes de que existise iso de "veño outro capítulo e xa paro", había unha pequena vila perdida en Alaska onde o tempo parecía correr doutro xeito.

Cicely non aparecía nos mapas, pero todos sabiamos como chegar.

Alí agardaban Joel Fleischman, Maggie, Chris Stevens, Ed, Ruth-Anne, Holling, Maurice... e unha chea de personaxes tan raros como inesquecibles. Xente que falaba de filosofía pola radio, convivía cos alces, discutía, namoraba, metía a zoca e, sen facer moito ruído, acababa contando cousas importantes sobre a vida.

Doctor en Alaska nunca foi só unha serie. Foi un deses lugares aos que un volve cando precisa baixar o ritmo e lembrar que o mundo tamén pode ser un sitio amable.

Esta chapa recupera o mítico cartel de Cicely, Alaska, un destino que segue existindo para quen leva esta serie gardada nun recuncho especial da memoria.

Porque hai series que pasan.

E outras nas que sempre apetece quedar un pouco máis.