Stitch

Stitch non precisa presentación: é caos, tenrura e espírito revoltoso todo xunto. Esta chapa amósao nunha das súas versións máis queridas, coa camisa hawaiana que lle queda que nin dios, coma se acabara de saír de Kauai para instalarse directamente na túa mochila ou chaqueta.

O deseño é luminoso, cun fondo crema que destaca o azul intenso do personaxe e esa expresión súa de “vou portarme ben… ou polo menos vou tentalo”. Ideal para fans de Disney, amantes de Lilo & Stitch, coleccionistas de chapas riquiñas ou quen se identifique cun pouco da enerxía adorablemente destrutiva do experimento 626.

Unha chapa que transmite bo rollo, verán infinito e ese toque tropical que alegra calquera día. Lévaa contigo e lembra que ohana significa familia, mesmo cando a familia vén en formato extraterrestre de orellas enormes.