Chapas Gatocan

Hai series que deixaron pegada, e Gatocán é unha delas, sobre todo para quen medrou coa TVG posta todo o día. Aquela intro imposible de esquecer —“gatocán, soiño no mundo está gatocáaan…”— segue vivindo na cabeza dunha xeración enteira. Este pack inclúe dúas chapas de 25 mm, unha co lado gato e outra co lado can, porque separalos sería un atentado á lóxica dese universo tan peculiar.

As chapas manteñen o estilo clásico da serie: o gato cun sorriso de pillabán profesional e o can cos seus olliños de susto permanente. Un dúo inseparable, divertido e perfecto para levar nunha mochila, na chaqueta ou para regalar a esa amiga coa que compartiches milleiros de tardes diante da tele.

Un pack cheo de nostalxia, humor e ese toque noventeiro que fai que todo pareza máis sinxelo e máis divertido.